SHOPPING CART

close

PATUK WATAS BANUA

Karya : Buya Al-Banjari

Patuk niya matan bahari hudah tapasang ulih Nining Datu Banua. Andaknya tapancar di ampat panjuru banua.

Di Masyriq di Maghrib Daksina Paksina.
Siapa haja musuh nang bawani-wani masuk malimpati watas watun banua kita, maka utumatis langsung tarabang panyawaannya.

Patuk watas banua Tatap mancugut salawasan.
Nangapa pun huhuwas nang handak mangariwanca wan handak maundamana banua kita ?

Langsung rabah rampiyuh hancur labur kahada basisa.


Patuk watas banua Salam kakal abadi salawasan.

Harum mawangi mawar dupa satanggi marasuk ka saganap bulu kulit urat tulang utak sumsum hati limpa jantung.

Mangguriyak matanya ampih kalat kahada taguring sapanjang zaman.

Tatap Cagat wan Cugut dalam Naungan Sang Panguasa Alam Samista Bilghoibi wasy – Syahadah.

Kur Sumangat Angin Syurgawi manampur marasuk jiwa.

Sanya’ananan Salamat dari Bancana wan Marabahaya.


Barakat :
Laa IlaaHa IllAllooHu
Muhammadar – RasuulullooH.
Salam Salam Salam Yaa Salam Nining Datu Panjaga Patuk Watas Banua.

Baca Juga:   600 Kepala Keluarga Habis Tempat Tinggal Dilalap Sijago Merah

Tarima kasih wan kasih tarima salawasan angin manjadi napas hidup wan kahidupan warga banua hampai ka anak cucu kadada watasnya.

Martapura, 7 Juni 2019 M/ 3 Syawwal 1440 H.




loading...
Tags:

0 thoughts on “PATUK WATAS BANUA

Tinggalkan Balasan